為咗表揚本地優秀科研學者，裘槎基金會今年動用咗六百四十萬，向本地八位學者提供獎金，每人可分大概八十萬，當中七十六萬留畀得獎者所屬學院請其他教授「做替工」，令佢哋可以唞半年至一年，專心做研究；其餘四萬蚊則可以袋袋平安。
在芸芸大學中，以香港大學最威，總共有四個學者得獎，包括醫學院外科學系教授盧寵茂。盧教授同八方講，今年十月開始會暫停教學半年，專心研究減低接受肝臟移植者嘅乙型肝炎復發率。
沙士英雄、中大醫學院副院長沈祖堯就話，六月底會去美國兩個月，參觀當地收容愛滋病嘅醫院同研究所，睇吓香港有冇改善之處。除咗錢之外，盧教授同沈教授都話，攞獎最好就係可以放吓假唞吓。
（圖）盧寵茂（左）同沈祖堯（右）都話，攞獎之後可以放吓假同休息吓。
傳真︰2623-9278
電郵︰