由政府及私人合作發展嘅機場展館、亞洲國際博覽館噚日舉行動土儀式，地基工程較原定進度提早一個月展開，整個項目可如期於明年底開幕。八方同股東之一、禹銘投資董事總經理馮耀輝傾起新展館最新情況，佢講咗個鮮為人知嘅訊息，原來呢個展館除咗做大型展覽活動場地外，重包括一個多用途場館，可以搞演唱會及各類運動表演比賽等，甚至可以用嚟溜冰，故此場地收入可以變得更加多元化。佢話，嗰個場館面積有一萬方米，可容納一萬三千多人，舞台設施絕對比得上紅館，屆時重會有個地鐵站直達新展館，車費較機鐵便宜，重話如果唔係點吸引人嚟睇騷？
今次，主持動土儀式嘅係工商及科技局局長曾俊華，重有禹銘投資主席馮永祥及法資寶嘉嘅高層。鬍鬚曾話新展館已經接到首幾年嘅場館預訂。
傳真︰2623-9278
電郵︰