劉鑾雄及劉鑾鴻昆仲，平日鮮有一起露面，噚日卻一齊出現金鐘。
首先，兩兄弟同鄭裕彤合資嘅利福（持有香港崇光）即將上市，噚日喺金鐘港麗酒店搞咗個投資者推介午宴。彤叔要吃喝玩樂，向投資者推介公司嘅工作，當然由細劉負責。主辦單位都算心思縝密，專登喺崇光搵班靚女服務員，推晒崇光嘅購物車在場，向出席嘅嘉賓派發裝滿零食嘅禮品包。
至於大劉就喺旁邊間港島香格里拉酒店，主持華人置業嘅業績記者會。大劉冇蒲頭好耐，點解突然出席主持大局，八方問佢係咪意味未來會更加投入華置業務呢？一向直言嘅大劉話：「因為我細佬要出席另一間公司（利福）嘅推介會，所以我嚟，只係咁啱。我一直對公司（華置）嘅投入程度都好深」。
傳真︰2623-9278
電郵︰