葉小姐--顧問（約三十歲）
「我最遠去過荷蘭，如果有直航機去南極，我會想搭，不過如果超過二十個鐘會好辛苦。娛樂設施方面，其實有電影看和有機打已OK，不過希望食物好味啲，空姐友善啲。另外，飛咁長途會食好多餐，要成日去廁所，如果飛機爆滿，去廁所會成日打擾隔籬，座位鬆啲冇咁麻煩，又坐得舒服啲。」
李先生--保險從業員（約三十歲）
「我最遠去過倫敦，坐長途機當然係唔舒服，但如果有直航機去北歐，我會想坐。最想機上提供中國地道美食，飯麵都冇所謂。另外希望機上提供即時有關香港嘅資訊，同埋可以上網，可以即刻知道香港嘅消息。」
彭小姐--大學生（二十歲）
「我去最遠最多都係飛過兩個鐘，但我希望有直航機去埃及，如果太長途我會視乎機上設施好唔好，去嘅機會有五成。我希望飛機空調好啲，空姐態度好啲，同埋可以上網。飛長途坐經濟客位好慘，因為座位好窄，坐頭等就冇問題，希望就算坐經濟客位，座位都可以比𠵱家闊啲。」
本報記者
