渣打銀行今年第八年贊助渣打馬拉松，成功籌得二百二十萬。唔好以為渣打淨係畀錢咁簡單，其實佢哋員工都好支持呢個活動，今年就有三分一員工參加，報名人數達到一千四百五十個。渣打噚日喺中環總行內舉行儀式，將善款捐贈予傷殘人士體育協會，就有六百個參賽職員參與。八方早咗到達記者招待會現場，只見一班職員已經好似合唱團咁排排企，每人拎住兩支「PongPong棒」，不段拍打，足足有半個鐘頭裏面，佢哋打「PongPong棒」嘅聲音都無停過，直到四時四十五分記者會開始先靜咗。點知冇耐，佢哋又再舉起「PongPong棒」打起嚟，頭望向上四十五度角。八方以為乜事，原來係三位渣打高層，主席桑德森、行政總裁戴維思同渣打香港董事王冬勝，喺對面天橋行緊嚟，所以員工為佢哋打打氣。
（圖）桑德森（右）、戴維思（左二）及王冬勝（左）與將出席雅典傷殘奧運會的健兒握手。
傳真︰2623-9278
電郵︰