葉璇成功瘦身後信心爆棚，日前她穿上三點式泳衣，為皇室纖形拍攝硬照廣告。今次是葉璇自九九年參選華裔小姐以來，衣着最大膽的一次。
在減去十七磅贅肉後，身形回復苗條的葉璇，日前接受訪問時說：「之前唔夠膽着三點式，因為自己嘅手臂同條腰都好難睇，但係𠵱家fit咗，當然唔會介意騷吓『哥利』啦！」
葉璇現正身在無錫與郭晉安拍攝內地劇集，提及早前原定到日本但卻落空一事，葉璇說：「因為已經有半年冇休息，本來諗住可以寓工作於娛樂，又可以shopping，梗係開心啦！但最後因為接拍咗劇集而被迫取消，不過算啦，冇得旅行，可以賺多啲錢，之後可以去一次勁嘅。」
葉璇相當滿意收身的成果，故忍不住自己讚自己說：「瘦咗之後唔止有腰有胸，成個人都sharp晒。」
