【本報訊】售賣日本時裝、精品水貨的店舖愈開愈多，業界預料日本下月予港人免簽證入境措施生效後，會吸引更多新手赴東洋入貨，亦有更多旅客自行到當地掃貨，水貨將隨之減價一至兩成；為迎接新挑戰，有水貨舖與行家「鬥快」入新品牌搶客，消費者將為此而得益。 記者：翁煜雄
巨集物坊及私物店負責人阿凡說：「近排喺日本原宿見到好多生臉口買家，佢哋冇經驗，唔知乜貨好賣，索性平賣，四百蚊買入，四百幾蚊賣出。」他說，日本實行免簽證入境措施後，更多買家及市民會爭相前往入貨或購物：「呢幾日已經好多人嚟睇衫，但大大聲話只係嚟睇吓有乜好嘢，下個月去日本自己買！」
他續稱，九六年開業初期，日本水貨店不多，水貨定價頗高：「最記得Puma對California經典版，三百蚊買返嚟，六百蚊賣出去，賣咗成幾千對。」這品牌今天卻令他蝕得「肉痛」：「Puma喺香港開番專門店，有對鞋我喺日本入返嚟要成千蚊，香港行貨賣六百幾蚊。」他說，專門店日多，水貨大受打擊：「Nike專門店賣嘅鞋款只係遲日本少少，價錢平七、八成。」
面對種種競爭，阿凡預料水貨價錢會持續下跌一至兩成；但他仍透過不斷引入新興牌子作招徠，例如正在日本大熱的JPS。
另一水貨店舖Take5負責人Benny預料，部份原本售賣韓國貨的商店都會加入市場；他說，原價一千日圓（即港幣七十多元）的水貨本來會定價一百至一百二十港元，但現只得九十至一百元：「遲啲減得重多，最受惠都係消費者。」他則與當地品牌如Pherrow及YenJeans簽約入貨：「入貨會平啲，競爭力大啲。」
日本高科技產品也是港人搜購水貨的目標。日本科技創意產品專門店JCShop董事總經理莊天頌說，免簽證對科技產品市場影響不大，因當地電器市場不輕易與外國人交易，遊客只可到門市選購，價錢不及直接向廠商取貨低；該店舖已擴至擁有四間分店，又擬年中在店設咖啡雅座。