名模周汶錡昨日以「西班牙皮鞋之星」身份，往灣仔會展出席「2004亞太區皮革展」，她表示將會往西班牙的馬德里及Ibiza一星期，屆時可盡情relax。
西班牙男士出名靚仔熱情，問周汶錡有否興趣結識像西甲勁旅皇家馬德里隊長魯爾般的靚仔？她說：「有都唔錯，可能到時留喺嗰邊唔返嚟！」問她到時會否享受陽光海灘時，順便裸曬？她說：「啲人見到可能以為我係細路女嚟！」
談到至愛的高跟鞋，周汶錡說：「我最高峯時有成二百幾對高跟鞋，最癲嗰陣如果睇啱個款，尺碼唔啱都會夾硬買。我好明點解啲男人覺得女人着高跟鞋性感啲，因為着咗高跟鞋對腳嘅線條係靚啲，係辛苦啲㗎喇，惟有多啲做腳底按摩補數囉！」
採訪：RitaLeung
攝影：ChanKwingWai