鳳凰衛視女主播劉海若返咗香港一陣，今日又要飛到馬來西亞參加台慶，之後就會去台北探朋友。兩年前喺車禍大難不死，但係多次手術就令到劉海若滿身疤痕。不過，佢噚日接受新城財經台主持人劉婉芬訪問時，就好有自信咁話，覺得𠵱家個樣都OK，疤痕喺佢人生經歷嘅一部份，可以令佢提醒自己要注意健康，佢講笑話自己唔會着三點式泳衣，所以根本冇需要整容。劉海若𠵱家重係休養階段，佢每日都會做做運動，平均一日接受兩個訪問，每日大概休息八個鐘，佢好快就可以返去電視台同觀眾再見面，𠵱家啲女人意志咁強，話唔定重會好似關之琳咁，過半年就會俾華人世界一個亮麗嘅驚喜㖭。
（圖）劉海若家陣每日瞓八粒鐘，閒時做運動、寫電郵，但行路時仍需要人攙扶。
傳真︰2623-9278
電郵︰