月前在上海遇上交通意外嚴重受傷的張佩金，目前仍在上海公利醫院深切治療部留醫，其男友洪子軒（Harry）前日在電話中說：「佢𠵱家可以自己呼吸，所以可以拆咗呼吸嘅喉管，但因為重未識得吐痰，所以要插住條喉抽痰，醫生話插條喉管有機會引起併發症，所以要完全唔使插喉先至算係度過危險期。至於話佢食乜嘔乜，其實係因為佢太耐冇食過嘢，一食番啲流質食物好唔習慣，所以先至嘔番出嚟啫。」
問到今次意外賠償問題，Harry說：「嗰間的士公司已經賠咗十萬畀我哋，𠵱家重差十幾萬，上海交通警察部已經不停幫我哋追數，雖然間的士公司愛理不理，但𠵱家公安局幫埋手，所以應該冇乜問題。」
採訪：何永寧