日本才子北野武除咗拍電影之外，亦主持唔少電視節目，最近佢喺朝日電視台主持嘅一個綜合節目，重結集成一本書推出。前日北野武喺六本木嘅電視台宣傳呢本書嗰陣，不忘擺江角真紀子上枱。北野武得悉身為強積金代言人竟然漏交相關款項嘅江角最後冇俾國會召見問話之後，佢好搞笑咁話：「我都想叫佢上嚟節目，等佢同大家傾吓。」