王喜、林熙蕾、楊采妮等二十多位藝人早前為本地髮廊O4Osmosis的攝影展拍攝造型照，眾人義務演出仍非常落力。林熙蕾瞓地一個多小時、擺出性感甫士；王喜則赤膊上陣，更在胸前貼上假髮，造型出位。
古天樂、周杰倫御用髮型師Pius將在04Osmosis旗下三間髮廊，舉行「Room04」攝影展，展出一系列由本地名攝影師JoelLee拍攝的新髮飾造型照，二十多位歌手、藝人及名模包括楊采妮、林熙蕾、甘國亮、王喜、名模AnaR.、楊崢等，均不收酬金義務拍照。
眾人造型均頗出位，王喜赤膊上陣、化上濃濃眼妝，感覺新鮮；江希文與AnaR.則將假髮連結一起，拍出恍如雙生兒的趣致效果。林熙蕾穿上晚裝、拿高跟鞋卧地，性感摩登。
Pius早前接受訪問透露，攝影展主要為慶祝新店OrientFour開幕，他說：「今次概念係好似酒店咁，每日有不同嘅人、不同嘅故事發生，所以全個過程都係喺洲際及喜來登酒店內拍攝。
「每張相都有不同概念，好似楊采妮、林熙蕾神情落寞，表達去完Ball之後嗰種失落感。林熙蕾瞓地擺甫士，重瞓足一個鐘頭。戴夢夢啲頭髮全部飛起晒，就係表現年輕人嘅輕狂。今次髮型比較colorful，因舊年香港發生太多唔開心事，想以happymood出發。」
採訪：梁錦雯
