「第九屆金紫荊電影頒獎禮」昨晚舉行，從影三十年的任達華終於憑電影《PTU》首奪影帝寶座，以黑馬姿態撼低大熱門劉德華。張栢芝則再下一城，憑《忘不了》奪得「最佳女主角」獎。而由杜琪峰執導的《PTU》更連奪六獎，成為大贏家。
由香港影評人協會主辦的「第九屆金紫荊電影頒獎禮」，昨晚在香港藝術中心壽臣劇院舉行，出席者有劉德華、任達華、黃秋生、林嘉欣、吳君如、張學友、立法會議員霍震霆及民政事務局局長何志平等。
由杜琪峰導演的《PTU》昨晚可謂威盡全場，在八個競逐的獎項中，該片共囊括了「最佳電影」、「最佳導演」、「最佳編劇」、「最佳男主角」、「最佳男配角」及「最佳女配角」六個大獎，成為全晚的大贏家。
出爐金紫荊影帝任達華事後喜孜孜地說：「今次真係好多謝杜琪峰，佢畀咗一個好複雜、好難演亦都係好多演員想演嘅角色畀我做。」問到他會怎樣跟太太琦琦慶祝時，任達華指琦琦現時身在美國紐約，他曾致電向太太報喜，但可能因當地仍是清晨，暫未能跟琦琦取得聯絡。任達華說：「我會等埋琦琦返嚟先慶祝，或者遲啲請工作人員去旅行。」
問到《PTU》可算是其代表作？任達華說：「唔係，𠵱家先至啱啱開始，我唔想好似四哥咁，咁快就攞終身成就獎。」他又表示今次由他獲獎，故希望金像獎當晚會輪到劉德華稱帝。而昨晚宣布任達華奪得「最佳男主角」獎時，坐在任達華旁的劉德華即時滿面笑容地站起來與對方握手，事後劉德華說：「呢個華仔咁多年嚟都好努力做每一個角色，我一直都好希望佢會得到電影獎項作為表揚，所以我好戥佢高興㗎！」
而張栢芝則憑《忘不了》奪得「最佳女主角」獎，當宣布結果時，台下有些噓聲，可惜她因在北京拍攝電影《無極》，未能抽空回港出席頒獎禮，不過栢芝得知自己得獎後十分開心，昨晚她透過經理人說：「真係好開心，可惜我要開工，唔可以返香港親身攞獎，之前我憑《大隻佬》攞咗電影評論學會嘅影后，今次又以《忘不了》攞另一個影后，的確好興奮，我要多謝爾冬陞、向華強老闆、方平、劉青雲同原島大地，如果呢部戲冇咗佢哋任何一個都唔得，特別係爾冬陞，我愛爾冬陞！」
而杜琪峰昨晚因要趕戲亦沒有出席，他在電話中說：「我𠵱家開緊工，我都唔知部戲攞咗咁多獎，其實𠵱家我對香港嘅獎項唔係睇得咁着緊，都係志在參與，最緊要都係有工開，拍出嚟嘅戲對觀眾同老闆有交代。」
同樣未有出席頒獎禮的「最佳女配角」得主邵美琪，亦是憑《PTU》奪得首個電影獎項，昨晚她在電話中喜出望外地說：「吓？我得獎呀？真係冇諗到，因對手幾強，真係要好多謝導演杜琪峰畀呢次機會我拍呢部戲，未來日子希望可以拍多啲戲。」此外，昨晚大會特別用了四分鐘時間，播放短片悼念四位去年去逝的電影人，包括張國榮、梅艷芳、柯受良和李耀明。
採訪：馮美茵、陳梅香 攝影：林德雄、仇志德
