自由黨主席田北俊自從七七事變後左右逢源，一邊廂同中方「箍煲」，另一邊廂利用「反23英雄」帶來嘅民望準備參與直選，又大舉招兵買馬，似乎一切都好完美。不過，如果田少聽到港大政治及公共行政學系系主任陳祖為講嘅「小故事」，佢就可能知道自己要檢討吓。
陳祖為噚日出席一個基督徒討論政改嘅論壇，提到政制發展其中一個重要因素就係政黨嘅成熟程度，民建聯同民主黨暫且不提，今日講吓自由黨嘅問題先。
陳祖為話，有位老友想加入自由黨，自由黨中人請佢位老友食飯慢慢傾，點知食完之後，佢老友就完全打消晒加入自由黨嘅念頭！點解？咪係睇到有啲人嘅質素嚇死人囉。
事後陳教授猛叫記者唔好引述呢件事，其實佢使乜擔心，有人肯指出自由黨嘅不足之處，田少應該多謝都來唔切，分分鐘重會請陳教授食餐飯慢慢傾，聽多啲意見㖭。
（圖）田少噚日親自呼籲人登記做選民。
傳真︰2623-9278
電郵︰