早排樓市係咁升，唔少人吼住豪宅係咁掃，但係無綫電視「事頭婆」方逸華（無綫主席邵逸夫嘅太座），反而趁機出貨，八方最近同地產界朋友傾起，原來邵太冇耐前將揸咗好耐、𠵱家重收緊租嘅西貢永隆路海嵐居（SeaBreeze）一間獨立屋賣咗畀一位外籍人士，價錢都唔錯，大約八百八十萬蚊，呎價成五千蚊。
海嵐居喺永隆路二十六號，只有十幢屋，已經有成二十五年樓齡，邵太持有嗰間屋大概有一千八百呎，有兩個車位，𠵱家收緊三萬蚊月租。邵太一直好鍾情西貢，除自己住喺西貢之外，重揸咗啲物業嚟收租，聽講喺清水灣別墅、碧沙花園同寶石小築等屋苑內，咁有眼光，做富婆，又豈有倖致呢？
傳真︰2623-9278
電郵︰