前排講過銅鑼灣大地主希慎興業年報披露主席人工，八方啱啱又收到，擁有半島大酒店主席米高嘉道理真係同港人共度時艱，以民為本，去年薪酬，由前年的六十一萬餘元降至五萬元，暴減達九成一，副主席及所有非執行董事都大幅減薪，原因係去年沙士影響業績，故此各非執行董事同意不收上半年袍金，發放予執行委員會成員嘅表現獎金亦都停咗發放，所以就變咗後天下之樂而樂嘞。嘉道理鬼咁有俠義精神，呢亭老闆，去邊處搵。
不過，減薪嘅大多數都係大老闆，收少啲，生活質素都唔會有好大影響啩。大酒店行政總裁郭敬文，上年收少咗一成八嘅花紅獎金，令佢整體薪酬減少百分之三，但減咗人工都有七百六十八萬餘元，買少兩支紅酒、打少啲高爾夫球，都重係人上人。
傳真︰2623-9278
電郵︰