無綫劇集《陀槍師姐IV》的一班演員包括滕麗名、魏駿傑、麥包及陳鍵鋒等，昨日聯同體育組的黃安琪及黎諾懿等，齊齊到奧海城參加無綫舉行的「陀槍師姐IV迎奧運」活動，眾演員還即場進行多項競賽。
由於滕麗名着上兩吋高踭鞋到場，故參加五十米短跑時，只好赤腳上陣。滕麗名還笑說：「我哋拍戲着三吋高踭鞋都係咁跑喇。」滕麗名自言已非首次赤腳奔跑，她說：「之前拍劇都試過喺中環同西貢跑咗兩日，搞到最後雙腳起晒水泡。」
近日滕麗名頻頻返內地拍劇及拍廣告，她表示收入相當不錯，問到她可會買禮物獎勵自己時，她說：「我之前睇中咗隻表好靚㗎，要成六位數字，不過呢排咁辛苦做嘢，都可以考慮吓獎畀自己。」
採訪：王崇穎
攝影：陳偉權
