噚日喺場邊見到一班Pinkladies，手執粉紅袋、頭戴羽毛頭箍，一行十人，原來佢哋係蘭桂坊一間吧請嚟賣廣告。由於她們派的禮品吸引，包括她們身上的粉紅T恤、羽毛頭箍等，所以賽事打到一半，手上的紀念品已經派完。這間吧還安排了免費巴士，在比賽後接送有興趣到蘭桂坊一遊的球迷，夠晒生意頭腦啩。
今年大球場內的檔攤都算係近年最冇睇頭，除咗一啲賣飲賣食的檔仔，就只有一檔賣英文報紙、一檔香港旅遊局；同兩檔賣紀念T恤。最好的就要數兩個幫球迷畫花臉；佢哋開喺大門入口，而且價錢相若，由五十港元到二百五十港元不等，不同既係一個噴、一個油，吸引唔少鬼妹鬼仔幫襯。
七人欖球賽大球場南看台永遠座無虛設，遲嚟嘅球迷更要排隊入座。不過，對於球迷嚟講呢個係天堂，但對保安人員嚟講就十足地獄。因為呢班被派駐守南看台嘅保安人員，往往成為球迷的攻擊目標，點攻擊法？咪用海綿欖球仔遠距離襲擊囉。
二十四支參賽球隊中，最不受球迷歡迎嘅非美國隊莫屬。好似噚日美國對日本一場分組賽，賽前被睇高一線嘅美國，到比賽中途竟然被日本領先十二比七，全場觀眾即時拍爛手掌；但比賽最終結果係美國反勝二十七比十二，觀眾就以噓聲回報。
爵士樂同七人欖球好似無乜關係，但賽會近幾年就請咗一啲香港國際學校的學生到場玩Jazz。今年輪到加拿大國際學校，一班中學生帶齊「架罉」係冷巷擺陣，功架十足，吸引到唔少欖球迷駐足欣賞。
唔知係咪球場內嘅啤酒賣得太貴關係（百六蚊一jar），噚日就有唔少球迷避過大閘嘅保安檢查，私自帶罐裝啤酒入場；飲完後重好冇手尾，將空罐拋出場外。話時話，球迷喺場入面玩吹氣欖球就話可以搞氣氛，但如果掟啤酒罐整傷人，
