基仔講故事變鹹濕笑話<br>Yumiko病愈首演講明咪嘴

基仔講故事變鹹濕笑話
Yumiko病愈首演講明咪嘴

鄭希怡(Yumiko)早前入醫院割鼻瘜肉,前晚她演出音樂會時事先張揚是咪嘴,不過以往她經常勁歌熱舞,一向鮮有唱現場。而古巨基講故事時因讀音問題,似說鹹濕笑話,令觀眾忍俊不禁。

鄭希怡、古巨基、何韻詩、官恩娜和吳浩康等,前晚在九龍灣國際展貿中心演出「iClubRoadShowLive動感音樂會」。Yumiko因早前入醫院割鼻瘜肉,傷口未愈,故前晚事先張揚無法唱現場,要咪嘴演出。當她獻唱時,台下更有歌迷大叫:「咪嘴喎。」其實Yumiko因經常勁歌熱舞,故以往都很少唱現場。

「歌手應唱現場」
而古巨基前晚玩遊戲時,不時說錯話,雖然他不知Yumiko咪嘴,當一名觀眾看着他畫的圖畫說故事時,觀眾提到有歌手唱歌播錯帶,基仔即說:「做歌手都應該唱Live。」
當基仔畫完喜怒哀樂表情的圖畫,先示範說故事時,他說:「一日我喺街遇到個女主持,見佢好靚,我就喜晒。」因喜字與起同音,觀眾忍不住大笑,男主持即問基仔說:「乜嘢起晒呀?」基仔說:「笑容起晒呀,都係講清楚好啲。」
事後Yumiko接受訪問,她表示近日每天在家,十分苦悶,她說:「我今年有血光之災呀,𠵱家每日要滴鹽水入個傷口,之後會滴番啲血出嚟,一日要用六、七盒紙巾。」Yumiko又表示她做手術時,醫生播着她的歌曲《舞吧舞吧》,令她想起身跳舞,最後要求醫生關機。
古巨基則透露他由農曆年開始一直聲沙,故特別到醫院照小聲帶,他說:「結果原來真係發炎同水腫,好彩我早去睇醫生,唔係會好大件事,都算幫我條小聲帶執番條命。」

何韻詩去向未卜
此外,何韻詩前晚一身黑衫黑褲造型,被指很像鄭裕玲,阿詩說:「佢係出名美女,我怕我影衰佢。」阿詩又表示她正製作新碟,至於與唱片公司約滿及有傳EMI不替本地歌手出碟一事,她近日正與高層開會,未知去向。
採訪:李珮洳
攝影:陳志嵐

古巨基畫公仔講故事,竟變講鹹濕笑話。

吳浩康獲女歌迷擁抱,Yumiko看得目瞪口呆。

新人官恩娜衣着性感,甚懂搶鏡。