超級名牌Gucci位於利園第二期新店開幕，昨日舉行盛大慶祝活動。出席嘉賓余安安對於有報道指她賣肉養家表示不介意，並計劃送女兒往外國升學，但卻暗示前夫李萬祺於這計劃上沒有出力。
為慶祝位於銅鑼灣利園第二期新店開幕，名牌Gucci昨日先於新店舉行酒會，然後再移師往利園第一期舉行春夏新裝展。
昨日出席名人包括余安安、張可頤及姚樂碧等，其中余安安稱身穿的Guccijacket是朋友所贈。
記者指余安安努力賺錢似回復以前經常穿名牌的日子，她笑說：「買衫係適當嘅投資嚟。」對於早前有周刊登出她的泳衣照，指她賣肉養家，她回應說：「咁影得纖體相show身材就係指定動作嚟㗎啦，出嚟效果健康咪得囉，啲雜誌起啲咁嘅標題，都係想吸引讀者啫，內容冇事就得啦。」
問余安安會否考慮與女兒一同拍纖體廣告？她說：「唔會啦，個女應該以學業為重，而且我好安慰，因為佢都好鍾意讀書。」她又表示有計劃送女兒往外國升學，她說：「所以我𠵱家個擔子好重㗎！」
問余安安有此計劃，與前夫李萬祺有沒有共識？她說：「我同佢冇聯絡，個女跟得我，我就自己負責，佢將來有冇能力負責係一件事，不過𠵱家就冇（能力）啦！我都望佢愈做愈好，幫輕吓我都好吖。」
另一嘉賓姚樂碧昨日亦身穿性感Gucci新裝，真空上陣露點，她透露開始了朝九晚六的新工作兩星期，她說：「我任職間公司旗下有Bella同瑪花兩間美容纖體中心，我就負責做業務拓展嘅工作，最唔慣嘅就係我以前打銀行工，所有同事都都係男性，𠵱家就清一色係女同事。」問她感情生活，她則說：「冇呀，冇人追呀。」
採訪：DebbieLum、RitaLeung
攝影：ChanChiLam
