蘇永康前年在台灣因藏有搖頭丸而接受勒戒，其間台灣副總統呂秀蓮到看守所時曾力邀他上台高歌。然而昨日記者問到康仔會否慰問遭槍擊後的呂秀蓮時，康仔竟斬釘截鐵說：「梗係唔會啦！」
蘇永康○二年因藏有搖頭丸而被判入台北看守所接受勒戒，其間台灣副總統呂秀蓮曾到看守所視察，並力邀康仔上台高歌《男人不該讓女人流淚》，當時呂秀蓮為康仔打拍子及揮手伴舞，他隨後即獲得提早釋放，以致惹來「伴唱贖罪」疑雲。
康仔昨與梁漢文、袁彩雲、陳淑蘭、葛民輝和林保怡一起出席深灣遊艇俱樂部的「全新寶馬6系」發布會，記者問康仔可會問候上周遭槍擊的呂秀蓮？康仔卻斬釘截鐵說：「梗係唔會啦！自從嗰次之後，我對政治唔係好理會，站喺華人立場，唔可以話隔岸觀火，但暴力係冇用嘅，希望國民黨同民進黨能夠靜靜地處理。
「台灣本來係一個好溫情嘅地方，𠵱家有小小分化，我見到啲人好激動攞刀仔傷害自己，我都好唔開心。」究竟康仔支持國民黨還是民進黨？他只說：「希望佢哋統一，唔好分化啦！」
另外，有報道指康仔將舊居放租，因而惹來經濟欠佳傳言，但康仔指自己近年頻頻登台，經濟沒有問題。
康仔出席活動後便到跑馬地一茶餐廳與母親歎下午茶，逗留約十五分鐘後，便小心翼翼地扶着母親離開，然後返回摩星道寓所。
另外，有報道指梅艷芳前經理人王敏慧（Marianne）翻𠝹前男友、袁彩雲現任男友Brian，但袁彩雲指他們只是生意夥伴，見面只為傾生意，她對男友絕對有信心。
採訪：胡比
攝影：陳烱威
