吳君如、原子鏸及導演黃真真前晚到中環麗嘉酒店出席「天映頻道成立一周年」晚宴，君如提到舒淇拍《見鬼2》沒有分紅，老闆陳可辛被指孤寒，君如說：「佢真係好鬼孤寒，我拍《金雞2》都冇加片酬，我三年冇加片酬，個個老闆都好堅持唔加，我好窮呀。」
黃真真稍後將開拍新戲《六壯士》，她前晚透露各男主角的角色安排，黃真真說：「林子祥係一個小男人，鄭伊健做佢下屬，許志安不舉嘅，李克勤俾女人迫婚，杜汶澤係失業男人，佢老婆叻佢好多，我諗住搵田蕊妮做杜汶澤老婆，至於譚俊彥就係一個想自殺嘅男仔，不過死唔去，我想反映時下年輕人。」
有指林子祥在該戲中有裸露演出，黃真真謂：「邊個講㗎，佢會露股呀，總之個個都會畀啲嘢佢露。」
採訪：胡比
攝影：陳烱威