早前再有匿名信指賭王何鴻燊在大太太黎婉華屍骨未寒時，與四姨太梁安琪往拉斯維加斯註冊結婚。前晚四姨太梁安琪往欣賞葉蒨文演唱會時，大罵記者白癡。
昨日下午四時，賭王何鴻燊由澳門返港，問他是否與四姨太註冊結婚？賭王說：「冇啲咁嘅事，我冇去過啲咁遠嘅地方（指拉斯維加斯），你哋信埋啲匿名信，近期我最遠去過菲律賓啫。」
至於四姨太是否加入澳娛董事局，賭王說：「唔係，佢亦冇要求註冊。」問他假如四姨太要求呢？賭王說：「總之樣樣如常，我𠵱家得三個（太太）咁多，一個去咗，得番三個，咪一切照舊囉。」
而何超瓊在賭王現身前亦有出現信德，對於父親與四姨太註冊傳聞，她冷冷地說：「我唔知，唔清楚，你哋問番佢哋啦。佢哋去過邊，關唔關我事先？」
採訪、攝影：DebbieLum
