如果大家有留意開車壇動態的話，相信知道德國寶馬車廠，將會繼6系後推出全新1系。廠方會提供多台引擎供選擇，當中包括116i所採用嘅1.6公升偈（115匹），以及120i嗰台配有Valvetronic技術嘅2.0公升偈（150匹），以切合不同用家需要。與此同時，新款1系不但擁有50:50嘅車重比例，另外重有跑車懸掛及16吋輪胎組合，循迹及操控表現予人十足信心。
全新1系嘅車長只有4230mm，但軸距卻長達2660mm，從而可營造出一個闊落嘅乘坐空間，襯以前後兩排乘托力甚豐嘅座椅，坐得妥貼舒適，而用家更可選配跑車化座椅及藍芽技術嘅設備㖭！至於造型，短小精悍嘅設計，除令走彎時更敏捷外，圓潤而流線型嘅車體設計，更可大大減低車輛風阻系數！
記者：鄭達基