張可頤前晚穿上性感Gucci新裝出席「SplendourofLuxury」活動，她佩戴A字鑽石鏈墜。對於A字是否代表男友簡稱，張可頤則故弄玄虛，其後她表示將來選擇花車，會揀勞斯萊斯。
美國運通卡、大溪地珍珠、勞斯萊斯房車及時裝品牌Lanvin前晚於尖沙嘴海港城三號碼頭，合力舉行「SplendourofLuxury」活動，現場展示一部價值五百四十萬的勞斯萊斯房車，出席嘉賓包括張可頤、周美鳳及周啟邦夫婦等。
張可頤前晚穿上購自外地的性感Gucci新裝，前後皆有看頭，她亦不時拉着裙子，以防走光，她說：「我已經黐晒膠紙防走光㗎啦！呢件衫係要真空着先好睇㗎嘛。」
問張可頤前日在「壹電視大獎2004」頒獎禮上被其他花旦杯葛，她說：「講過啦，冇理由台上有人講嘢，你喺台下傾偈㗎。」
見張可頤佩戴了一條A字鑽石鏈墜，問她是否男友A君的簡稱？她則作神秘狀說：「唔好問啦，你哋自己估。」然後扯開話題大讚場內的勞斯萊斯房車，並說：「如果我結婚嗰日可以坐勞斯萊斯行禮就好啦。」
問張可頤打算何時結婚？她說：「咁你哋要祝福我啦，你哋好衰嘅，成日『搞禍』我嘅，今日話我同A君，聽日又話我同B君，搞到我好似好濫交咁，連我媽咪都問我點解同一時間同咁多男仔去街。」
張可頤續說：「其實嗰啲全部係普通朋友，我同女仔出街你哋又唔影？」她並指沒有穩定男友，所以很久沒有帶男友回家見母親。
而周美鳳前晚則開心表示，由去年開始重鎚投資買股票，大有斬獲，至今已賺了近八位數字，她說：「我買重316東方海外呀，我暫時都唔會放住，𠵱家係時候忍手唔買啦，因為啲『羊太』開始湧出嚟啦。」
採訪：DebbieLum
攝影：HoKwokHo
