有傳蔡卓妍（阿Sa）跟成龍兒子陳祖明因合作拍電影而日久生情，祖明更借故向阿Sa借CD，然後通宵傾偈。阿Sa前晚在新片《這個阿爸真爆炸》首映禮上否認緋聞，並指祖明後台強大，自己襯不起對方。
蔡卓妍、張栢芝胞弟張栢文、男子組合Boy'Z和中國星三名新人駱力煒、路斯明及陳朗等，前晚在尖沙嘴出席新片《這個阿爸真爆炸》首映禮。有報道指阿Sa跟成龍兒子陳祖明因合作拍攝電影《千機變Ⅱ花都大戰》日久生情，阿Sa否認緋聞，並指自己襯不起祖明。
報道指祖明到阿Sa房間借CD，二人在房內傾通宵，她說：「點可能喺我間房傾通宵，我出晒名爛瞓，我𠵱家以事業為重。」問到假如祖明對她展開熱烈追求會怎麼辦？阿Sa說：「我襯佢唔起，佢有強大後盾，𠵱家我都唔想拍拖住，其實主要係自己冇時間，況且我鍾意啲男仔嘅條件，係要成熟同大個啲。」
問到阿Sa平時與祖明的話題，她說：「我哋會傾音樂，大哥（成龍）之前嚟開工，楊生都有約我同祖明食飯，大哥講金庸小說。」
至於栢文就表示自簽約中國星後，公司為他接拍了兩個廣告，他說：「其中一個係喺美國播嘅雞精廣告，另一個重未知，我覺得拍廣告好簡單。」栢芝現正在北京拍攝電影《無極》，所以無暇回港欣賞胞弟有份主演的電影，栢文說：「冇辦法，佢要做嘢，家姐之前都打畀我，佢話等佢返嚟先買番VCD嚟睇。」
此外，Boy'Z表示拍攝《這》片時，有一場戲是講述Steven扮劈友，導演於是便叫他拿刀到廚房練習，後來有人向其經理人霍紋希（Mani）「報料」指他在片場嬉戲，Steven於是捱罵，事後要向Mani解釋才真相大白。
採訪：馮美茵
攝影：陳偉權
