爆機狂迷：<br>12年經典3D重臨三代勇者披甲上陣

爆機狂迷：
12年經典3D重臨三代勇者披甲上陣

千祈咪睇小呢隻12年前出過嘅《勇者鬥惡龍V》，今番Remake登陸PS2，氣勢如虹，令必賣作《機戰MX》都急急讓步推遲發售日，全日本標準RPG迷都引頸以待，風頭可謂一時無兩。呢隻經典Game以全3D化及加入名產物博物館作賣點，究竟能否保持《勇者鬥惡龍》味道？能否為將推出之第八集做勢？今日就同大家逐一剖析。
記者：許福合

今集嘅《勇者鬥惡龍V》內（下簡《DQV》），人物仍沿用鳥山明當年設計，所有遊戲內出現嘅動畫角色都有極強烈嘅鳥山明風格，有啲似睇緊《龍珠》同《IQ博士》。除咗遊戲角色，連帶遊戲內嘅世界地圖亦立體化，比上集「畫」得更靚之餘，玩家亦可透過轉換視點方式，以360o全方位欣賞Game內多元化世界，唔似得以往2D平面咁單調，不過間中或會有建築物遮住視線，睇漏重要人物及入口等重要線索，所以不時要轉換視點或按「□」掣睇遠景。

■鳥山明畫風喺日本仍非常吃香，對《DQ》系列成功着實有唔少功勞。

■戰鬥時怪物亦用上3D設計，動作趣怪得多。

■村莊、城堡亦用上3D設計，不過主角看來顯得相當細小。

傳統RPG玩法
《DQV》可以話係一集重新包裝嘅RPG遊戲，從《DQIV》嘅3人戰鬥小組變成4人戰，更可捕捉怪物作培育及參加戰鬥，令戰鬥變化更豐富。遊戲內最困難之處，除咗要小心經營角色，提升等級外，唔識日文玩家就最為頭痛，事關遊戲內對話甚少出現漢字，要「舞」得掂角色，就先要搞清各個日文指令意思。《DQV》其實係一集讓Fans重溫嘅經典系列，採用3D畫面並唔會大幅改變遊戲玩法，最明顯仍係戰鬥畫面，仍然一攻一守嘅傳統RPG，雖新鮮感欠奉，不過事隔多年玩番，反而別有一番滋味。

■妖精國

■遊戲中途會加入馬車系統，可收藏各種怪物。

■同上集一樣要Save遊戲，記得要返去教堂！




新作附加元素
遊戲玩法雖然未有大改變，不過新作總會有新元素，好似新增名產物博物館，讓玩家進行遊戲時收集特別物品或道具，放喺博物館內，達到某種條件，就會出現隱藏事件或人物。值得一提係記緊開大喇叭嚟玩，因為配樂專程搵嚟管弦樂團負責，效果相當不俗，打到興起都有悠和音樂紓緩緊張情緒，值得一讚。玩過《DQV》後，記得要睇埋附送嘅《DQVIII》影像光碟，先睹為快《DQVIII》最新畫面，將使用更自由3D戰鬥系統及卡通人物貼圖，令人非常期待。睇過以上介紹，還未決定係咪入貨，不妨到《DQ》嘅官方網站一看，當中收錄系列各版本珍貴資料及內容，睇完必定引起你興趣。

92年超任版
■與超任版2D畫面比較，PS2版當然靚得多。

■超任版嘅《DQV》，成功吸引唔少玩家成為Fans。

■一盒兩碟，除《DQV》遊戲碟，另附一隻《DQVIII》影像光碟。

■馬車喺《DQVIII》中，仍然不可缺少。

■《DQVIII》自由度更高，玩家可以喺3D世界探險。

■官方網中，會以經典怪物史萊姆作網頁瀏覽地圖。

日文指令解你知
呢隻日本機迷稱為「國民RPG」嘅Game，為遷就唔識漢字嘅小朋友級機迷，面對冇乜容量限制嘅PS2上，仍沿用大量日文，由指令、劇情對白、戰鬥甚至Save，漢字出現率都少得可憐，對一心想體驗呢隻大作嘅香港機迷，大有望門輕歎之感。有見及此，今日筆者就將常用嘅指令譯成中文，等大家上手都易啲。

幼年艾尼克

勇者艾尼克

勇者之父帕帕斯

幼年畢安卡

婷婷玉立畢安卡

遊戲類型：RPG
對應機種：PS2
遊玩人數：1人
開發商：SQUAREENIX
咎QUAREENIX
行貨售價：$458
官方網址：dragonquest.square-enix.co.jp/

售賣點：DreamStore
查詢電話：25753285
地址：灣仔東方188商場256號舖