混血女模Rosemary繼前晚往灣仔出席Toni&Guy化妝髮型show後，昨日又往尖沙嘴出席Lux香梘活動，她透露今天會啟程往北京行fashionshow。
問Rosemary有甚麼是出門必備的寶物？她說：「我知道AnaR.一定會帶TeddyBear陪佢，我自己就會喺機場買定好多書用嚟解悶，同埋帶遊戲機去打，最鍾意就係玩《盜墓者羅拉》呢個game，而我之前去北京食過北京填鴨，到𠵱家都好回味，今次去一定食餐勁嘅，另外我想趁呢次機會，識多啲內地模特兒，順便學好啲普通話。」
Rosemary又表示自己十分享受浸浴樂，每個月會有兩晚浸浴，她說：「我最鍾意浸薰衣草同薄荷香薰，再播啲音樂，真係好relax㗎。」問她會不會和男友浸鴛鴦浴？她則說：「我𠵱家都冇男朋友。」
採訪:顏英儀 攝影:陳偉權