利嘉兒早前成為護膚品牌新系列代言人，與吳美珩分庭抗禮。皮膚由古銅色變白滑的利嘉兒日前拍攝廣告時，毫不吝嗇大騷美腿，期間還要克服行樓梯恐懼症。
利嘉兒早前成為UltimaII新美白產品代言人，該品牌連續數年均以吳美珩作為生招牌，但利嘉兒強調並非取代吳美珩，只是大家擔任不同產品的代言人而已。
雖然利嘉兒無意搶走吳美珩飯碗，但日前她到火炭拍攝廣告時，就毫不吝嗇大騷美腿，自言有行樓梯恐懼症的利嘉兒更穿上三吋高跟鞋行樓梯，最後拍足十次才順利完成。
利嘉兒日前說：「頭先行樓梯真係好驚，導演叫我唔好望住條樓梯嚟行，但自己又着住對咁高嘅高跟鞋，好驚會仆親，好彩行多幾次都克服到。」
原來利嘉兒今年短短三個多月已接拍了六個廣告，可謂豬籠入水，而廣告商今次更無限量供應她護膚美白產品，令原本曬到古銅色的利嘉兒變得白雪雪。問利嘉兒其追求者有否增加？她故作保留地說：「女仔又白又靚，自然多人追啦，男仔始終鍾意女仔白啲嘛。」
利嘉兒表示不會送美白產品予同公司的麥浚龍（Juno），她說：「男仔唔使咁白，唔係就變咗米高積遜（MichaelJackson）嘞，如果Juno要白，我先送畀佢啦。」
採訪、攝影：駱華齡
