現年三十一歲的童愛玲和四十六歲的鍾慧冰，近日接拍了纖體廣告，二人親赴泰國布吉拍攝。童愛玲最難忘是坐在船邊被木板罅夾着臀部，幸好最後只是皮外傷。
童愛玲和鍾慧冰近日獲邀成為卓悅纖體美容中心代言人，二人已是媽咪級人馬，童愛玲去年剛榮升母親，囝囝五個月大，她日前跟鍾慧冰到了泰國布吉拍廣告，二人齊以性感服裝上陣，展示優美身段。
童愛玲自言經過兩個多月療程，共減了五十五磅。問童愛玲在布吉有甚麼趣事，她日前說：「我最難忘係同女攝影師一齊上船拍攝嗰部份，海面風浪好大，我企喺船度差啲被拋落海，後來改咗坐喺船邊，又被船嘅木板罅夾住patpat啲肉，好彩女攝影師幫我掹番啲肉出嚟，事後發現patpat損咗少少。」
童愛玲表示夫婿很支持她纖體，更專程往曼谷會合她過二人世界，她說：「老公好sweet，佢重專登帶咗禮物送畀我。」
至於鍾慧冰自一九七九年參選香港小姐獲得季軍後，體形便不斷向橫發展，但她表示經過兩個多月的纖體療程，已減掉二十多磅贅肉。
鍾慧冰日前說：「我瘦咗覺得成個人後生咗，心境都唔同晒，簡直可以用重生形容自己。」鍾慧冰表示收身成功後，近日接獲不少舊情人致電稱讚。
此外，由於童愛玲的家人在台灣，故她十分關心大選後的局勢，支持連宋的她憂心地說：「我啲家人都話再咁亂要搬嚟香港住，𠵱家唔係要照顧囝囝，我都好想飛返去參加遊行。」
採訪：比華利
