為應付九月立法會選舉，民主黨早前定下目標想籌款百三萬，鄭家富都算巴閉，搞咗十幾次籌款活動，已經籌到三十萬，噚晚做埋最後一次。
阿富話，籌得咁成功嘅秘訣全靠李柱銘。原本馬丁去美國，搞到滿城風雨，民主黨中人都擔心支持度受影響，點知阿富喺街賣嗰個馬丁鎖匙扣，意外地大受歡迎。
另一位民主黨成員單仲偕話，其實係安民打救，因為馬丁訪美，原本真係有不少人不滿，不過到咗安民大鬧馬丁先父嘅言論出街後，輿論又轉向，好多人對安民言論反感，轉為同情民主黨。咁樣講，安民嘅言論咪同打中陳水扁嘅子彈一樣，有扭轉乾坤嘅功效？
傳真︰2623-9278
電郵︰