呢排興講政改，又講鄧小平談話，八方都講番歷史，想提番「雙查方案」。雙查即係香港興業大股東查濟民及佢另一位同宗查良鏞（金庸）。當年，兩位俱係基本法草委，有關方案就係講出佢哋對香港政改走向嘅意見，對香港政局嘅發展有深遠影響。
點解忽然講呢段往事？因為雙查噚日再度出手，但今次就係為查濟民較早前聯同另一內地商人喺深圳買入嘅求是大廈進行平頂植樹儀式。五七年諾貝爾物理學獎得主楊振寧，都有出席主持儀式，重同金庸為大廈題詞。
據悉，日後求是大廈東座嘅租金收入將成為查氏旗下嘅「求是科技基金」收入一部份。基金係喺查濟民喺九四年初出資一億五千萬元人民幣成立。「求是」呢個名係查濟民取於浙江大學前身「求是書院」。設立基金會嘅目的係為推動中國科技研究工作，支援同獎勵喺科技領域上有成就嘅中國學者。
傳真︰2623-9278
電郵︰