葉漢輝昨日雖然「打甩」三十九項盜竊罪，但仍有一項用假文書罪無法脫身，難逃一嘗鐵窗滋味。到庭旁聽支持他的兩名兄長，聞判後目送胞弟步入拘留室，不禁留下男兒淚，要用紙巾拭眼。
兩兄長表示葉漢輝開庭前仍有信心「贏梗」（官司），替胞弟不值：「啲錢係佢㗎！企起身借錢畀人，要跪低問人攞番錢，重要陷害佢！」兩人愈想愈氣，憤指「佢（胡兆秀）咁害我細佬，想屈番啲錢！」更聲言在胞弟判刑後大爆黑幕。
因生意失敗去年破產的葉漢輝，曾風光一時。辯方律師指他出身富裕家庭，居於九龍塘豪宅又一居，身為「名利多」的馬主，曾拉過頭馬，九三年起在開平經營電鍍廠，是家族公司永財置業地產董事。但電鍍廠四年前倒閉，他多次遭銀行追討樓宇按揭，至去年被申請破產。
其父葉鉅曾為傳奇的億萬富豪，小學畢業後賣魚為生，四十年前以電鍍廠起家，七○年代染指地產獲利；但九○年後，其妻將大部份資產轉往名下信託基金，兩夫婦九八年離婚後為財產對簿公堂，律師費以百萬元計，加上金融風暴，令葉鉅身家大縮水，九九年因欠律師費而破產，淪為賣手袋小販。
本報記者