「上海首富」兼明星楊恭如前度好友周正毅自從舊年五月在大陸蒙難後，就快一周年，但一直人間蒸發，唔知佢困喺邊，本來已冇乜人提起，點知噚日大吉利是竟然傳出佢已經死亡，又真係幾轟動。不過，上海市政府發言人就鄭重否認，話周生涉嫌金融犯罪，目前仍在刑事訴訟中，話佢已經死亡嘅消息係「唔準確」。
周正毅出事後，佢名下兩間上市公司上海地產同上海商貿已經被接管，一直停牌至今，買咗佢股票嘅小股東都唔知點算。不過，佢真身雖然冇蒲頭，但就一路有委託律師喺香港做嘢，例如向法院要求撤去上海地產嘅接管令及債主向周氏索償嘅判令，都算唔嘢小，所以點會咁快去搵毛主席呀。
傳真︰2623-9278
電郵︰