《基本法》23條立法爭議喺舊年搞到滿城風雨，法律援助服務局主席李澤培（圖）將呢條例倒轉嚟諗，竟然畀佢諗到一樣好嘢。八方噚日見到快做第八年主席嘅李澤培，佢重有好多大計。李主席話，正考慮當業主立案法團執行大廈公契做維修時，如果有小業主唔肯畀錢，法援署就可以幫法團去打官司。佢有呢個建議，靈感係嚟自23條嘅禁制組織條文。李主席話，當初政府諗住禁制咗啲叛國組織後，組織成員可用個人身份代表組織上訴。於是佢靈機一觸，將啲嘢調轉咁諗，就有呢個新諗法。不過，李主席就認為，即使法援局提出呢項改革建議，政府都未必會應承，皆因咁會違背法援只畀個人申請嘅大原則咁話。
傳真︰2623-9278
電郵︰