德國柏林嘅吉祥物BUDDYBEAR愛心熊，就快飛嚟香港，重係120隻咁多，隻隻都係兩米高嘅塑像，重由120個國家，包括中國嘅藝術家分別髹上繽紛色彩。康樂及文化事務署喺五月十六日開始，一連五個禮拜，喺維園大草坪舉辦呢個「熊熊愛心連世界」國際巡迴展覽。呢個免費嘅展覽好威水兼好有意義，由一對充滿愛心嘅德國老夫婦創辦，上次喺柏林就吸引成一百五十萬人參觀，而且任何人捐三萬蚊，就可以喺展覽期內喺愛心大熊身邊擺個名牌，寫住捐款人個名，善款全部撥捐聯合國兒童基金。
傳真︰2623-9278
電郵︰
