杜麗莎近日由加拿大返港，籌備即將舉行的演唱會。今次再踏舞台，杜麗莎本着最緊要開心的心態，但仍感到有壓力。杜麗莎的丈夫和囡囡亦返港為她打氣，她說：「我見到老公同兩個囡囡時壓力減輕咗，好有安全感。」
杜麗莎在加國開設唱歌學校，曾教過不少學生，梁詠琪、鄭希怡、阿Sa（蔡卓妍）等都曾跟她學師，不過杜麗莎認為在香港當歌手實在太忙，她說：「唱片公司畀太多嘢佢哋做，冇晒時間，但香港藝人勝在夠聽話，公司叫做乜就做乜，有時我睇到啲歌手喺台上表演時欠缺感情，可能因為太攰喇，咁樣唔好，好似變成小丑咁，娛樂人之餘都要自己開心先得。」
採訪、攝影：胡比