容祖兒與唐文龍昨日拍攝音樂劇，二人飾演情侶。不過二人戲外卻形同陌路，祖兒更斬釘截鐵地表示一定不會傳緋聞，看來曾與歌手關心妍拍拖的唐文龍，完全不合祖兒口味。
容祖兒與關心妍前男友唐文龍昨日在中環街頭，拍攝無綫音樂劇《富豪海灣至尊情緣》，二人在劇中飾演情侶，並一起坐在粉紅色綿羊仔上。劇情講述性格心直口快的祖兒最初不獲唐文龍家人接納。
祖兒昨日埋位前，全程坐在保母車上，甚至做訪問亦只是打開車門，坐在車廂中進行。祖兒被問到與唐文龍飾演情侶，可會擔心傳出緋聞，想不到她竟斬釘截鐵地說：「我哋冇親熱戲，一定唔會傳緋聞，大家為拍好套戲，只係盡量投入角色。」唐文龍曾與關心妍拍拖，但看來他完全不合祖兒口味。
祖兒曾多番公開表示自己有男朋友，不過拍拖多時其男友始終沒有曝光，被問到與男友的家人相處可有問題時，她說：「有見過面，不過冇乜相處過，亦都唔需要點相處，況且我嘅EQ都幾高，我做呢行都係一份工，係時間少啲，咁𠵱家又唔係《家變》時代。」
祖兒又表示早前到富豪海灣拍攝後，令她對人生充滿目標，她說：「我有睇示範單位，不過冇咁多錢買，我媽咪因為冇時間去睇示範單位，我就用相機影低啲間格畀佢睇，我有諗過將來去英國、加拿大、澳洲、非洲，每度買間屋，最好隔籬有個湖，再買隻豹做寵物。」
採訪：卓美娟
攝影：陳志嵐
