「打橫咁片埋嚟　走都走唔切」
跑車鏟巴士站傷兩人

【本報訊】旺角彌敦道昨晨發生驚險車禍，一輛跑車懷疑高速切線失控鏟上行人路巴士站，恍如「打保齡」般衝向人群，其中兩名候車乘客走避不及撞跌，傷勢嚴重。跑車再撼向金行鐵閘，最後調頭掟出行車線才停下。有目擊者形容：「架車打橫咁『片』埋嚟，走都走唔切!」警方懷疑司機超速肇禍，目前仍在調查意外原因。　記者：伍浦鋒、黎志偉

肇事豐田MR2跑車司機姓吳（二十五歲），事件中他與男乘客沒有受傷，酒精測試顯示他並無飲酒。至於兩名男女傷者分別姓邱（三十四歲）及姓葉（四十九歲），他們頭及手腳受傷，送院治理後情況嚴重。
事發於昨晨六時許，跑車沿旺角彌敦道快線往深水埗，駛至六九三號對開切線但告失控，直鏟上行人路巴士站，掃毀路牌及欄杆。當時巴士站有八至十名候車乘客，他們高聲呼叫驚惶走避，情況混亂，其中一男一女被跑車撞跌受傷。

撞閘泵把飛脫
據男傷者同行的友人形容：「架車打橫咁『片』埋嚟，走都走唔切！」跑車其後餘勢未了，繼而擺尾撞向一間金行的捲閘，泵把飛脫，最後調頭掟出路面，慶幸尾隨車輛及時收掣，未有再釀成傷亡。
警方接報到場將兩名傷者送院，事後拖走有關跑車檢驗。