德國平治繼早前嘅Facelifted新版C-Class及新一代SLK開篷跑車後,一款名為CLS嘅新款豪華Coupe轎跑車亦炙手登場。新車用上一個圓潤而流暢嘅車身線條設計,襯以四輪17吋跑車合金胎軨組合,好有一份Coupe轎跑味外,再加上以四門配搭示人,乘客進出車廂亦比一般Coupe轎跑車來得方便容易。
機械配搭方面,其中頂級CLS500型號所採用嘅一台5.0公升V8偈,不但馬力輸出高達306匹,響一套7G-Tronic嘅7前速半自動波箱輔助下,性能表現毋庸置疑,AirmaticDC氣壓懸掛系統亦有助增強乘坐舒適度及行車穩定性!
記者:鄭達基