立法會九月選舉，北京計過條數知道大勢不妙，於是先發制人，喝住特區七百萬市民，唔好太唔畀面，否則後果自負。八方細個睇過石堅成日兇神惡煞咁警告人唔好「敬酒唔飲飲罰酒」，呢次係真人版，好彩自細俾奸人堅嚇大，否則可能都會俾佢兇到。
白鴿黨班老鬼身經百戰，所以冇有怕，八方聽聞代表社會福利界嘅羅致光都唔怕「奸人堅」，已經向負責選舉嘅李永達交咗意向書，表示會競逐連任，其他現任議員除咗華叔之外，相信都會出戰。
達仔係目前民主黨中最掌握選情嘅人，楊森就一再強調就算民主派攞到三十席，佢哋都唔會凡事反對，一定會有傾有講，有商有量，否則啲選民都唔會高興你日日搞破壞，冇建設。
森哥呢番話當然想講畀中央聽，但係人哋聽唔聽得入耳就好難講嘞。
傳真︰2623-9278
電郵︰