昨日有報道指黃凱芹（Chris）找代母產子，隨即又有人爆料指將舉行個唱的他在娛樂圈甚風光，但其患病胞兄則做看更維生。昨日本報找到Chris的哥哥黃凱林，他確在私人樓宇任保安，但他表示經濟沒問題，還叫報料者不要騷擾胞弟Chris。
黃凱芹近日花邊新聞不斷，繼有傳聞指他在加國找代母生子後。又有人報料，指將舉行個唱的Chris獨自風光，而其患糖尿病以致行動不便和視力模糊的親大哥則任看更維生。
據本報昨日查證，Chris的大哥黃凱林確實在彌敦道一幢私人大廈任保安，只見他一隻眼睛布滿紅筋，但視力看來仍屬正常，不過走路時有少許不便。黃凱林被問到是否黃凱芹的兄長時，他直認不諱，並表示他們共有四兄弟，與排第三的Chris感情只屬一般。
問黃凱林Chris有否在經濟上援助他？他說：「我做呢份工六年，前年開始有糖尿病，但冇影響工作，我有萬幾蚊人工，有層樓，老婆又有做嘢，經濟冇問題，唔使佢幫。」
有指Chris找代母產子，黃凱林說：「我唔知，冇聽過，我會問吓佢。」黃凱林又說：「以佢嘅身家點只生兩個，生五六個都得啦！佢要生大把女人肯同佢生，使乜搵人代產，而且佢好慳，又孤寒，唔會搵人幫佢生仔嘅。」
黃凱林續說：「我諗件事係衝着我而嚟，我做呢行得罪人唔出奇。針對我啫，唔好搞我屋企人呀，如果亂咁登，黃凱芹性格一定會出信。」
而黃凱芹昨在電話中承認兄長是做保安，至於借肚產子，他昨接受商台訪問時說：「好開心，正喺我開演唱會同準備出唱片時講，因為我真係唔識得做新聞，隨便佢哋點寫，我最關注篇報道大唔大同影得靚唔靚。」
