警隊一哥李明逵同恒生銀行副董事長兼行政總裁鄭海泉，噚日齊齊出席「2004年恒生銀行之協助警方撲滅青少年罪行比賽」開幕禮，兩位中大書友見面，心情特別好。大會為今次比賽製造咗約十萬個警察公仔，李Sir就揸住個公仔話，警方招募唔到足夠人手，可以考慮搵呢啲公仔頂替。
鄭海泉都唔執輸，佢話會場內好多紅星藝人，唔記得搵佢哋簽名唔緊要，但最緊要記得要搵李Sir簽名，因為將簽名貼喺屋企門口，點都可以鎮住吓喎。鄭海泉重話，李Sir喺大學時代體能已經好好，做運動都零舍多過人，重好好打㖭。
（圖）鄭海泉（左）同李明逵（左二）係中大校友，佢哋噚日一齊宣傳滅罪活動。
傳真︰2623-9278
電郵︰