小小超李澤楷嘅舅父莊學海，即係中南鐘錶董事總經理、李嘉誠妻莊月明嘅細佬，噚日獲香港工業專業評審局頒授榮譽院士名銜，作為外甥嘅李澤楷，噚日專程喺外國飛返香港，參與舅父嘅大日子。
雖然姐夫李嘉誠同小小超阿哥李澤鉅都冇到，不過莊學海話見到小小超已經好感動。影完大會指定大相後，小小超主動拉舅父、舅母同表妹，一齊畀記者影相。
莊學海話，呢個名銜係代表工業界認同鐘表業對香港嘅貢獻，而呢次亦都係佢喺業界攞嘅最高榮譽。講開鐘表業，佢話北京畀咗CEPA香港後，已經有十個香港品牌嘅鐘表公司，決定返內地大展拳腳，主要賣百零至千五蚊人民幣嘅表，為香港工業打開新出路。
（圖）小小超（左二）噚日專程到港大睇舅父莊學海（右二）攞榮譽院士名銜。
傳真︰2623-9278
電郵︰