向來以改裝平治汽車而聞名於世嘅著名改裝商Brabus，喺最近舉行嘅瑞士日內瓦車展上，展出咗多款最新改裝型號，當中又以一部由豪華轎車化身成跑車嘅Maybach至為矚目。 記者：鄭達基
從外觀而言，呢部經過Brabus改裝後嘅Maybach，與原有型號相近，但四輪卻換裝上達21吋嘅大尺碼跑車合金胎軨，連285/40R21（前輪）及325/35R21（後輪）高性能輪胎組合，加上將車高下調約15mm嘅跑車懸掛組合，增加行車循迹性外同時添加跑意。
與此同時，Brabus又為新車嘅車廂加入多項先進配備，例如USB2.0插頭、無線寬頻上網、無線鍵盤、光學滑鼠以及容量高達80Gigabyte嘅硬碟，從而令車廂可隨時化身成流動辦公室。再加埋承托力甚豐嘅高級真皮座椅，乘座倍見貼服舒適。
一台經過強化改裝，並將容積由原來5.5公升調升至6.3公升嘅SV12bi-turbo引擎，馬力輸出高達640匹，加上高達104.7kgm/1750rpm嘅強勁扭力輸出，因而令車輛起步加速反應變得靈敏有勁，極速更可高達300km/h咁快㖭！
