組合2R的新碟《United2R》將於日內推出，唱片公司在旺角買下大型廣告位宣傳，Rosanne及Race姊妹二人特地到旺角的廣告板前拍照留念，又拍下影片寄給遠在新加坡的父母。
姊姊Rosanne表示二人出道前曾在旺角居住，所以對該區感到異常親切。Race則說：「嗰日我哋去睇個廣告牌，點知唔夠三分鐘就有好多人圍住我哋，我初時唔為意，後來一轉身見有成百人，真係嚇一跳。」Race透露當時還有兩名警察走近，問她們是否正在拍戲。
Rosanne說：「我哋只係想影吓相，點知搞到行人路大亂，我哋咪同警察叔叔道歉，佢哋都好好，只係叫我哋快啲走啫。」