科大生物化學系主任及生物技術研究所所長葉玉如教授，獲選為今年「L'OREAL──聯合國教科文組世界傑出女科學家成就獎」，係第一個攞呢個獎嘅香港人。呢個獎向來有女性諾貝爾科學獎之稱，唔怪得主辦當局噚日喺中國會同佢搞慶祝會，財爺唐英年同李國章局長都畀面出席。
講番葉教授，佢專長係神經科學方面，做咗一系列關於神經細胞嘅研究，有助發展治療神經退化疾病，如老年癡呆症同柏金遜症。
葉教授話，有兩個女人影響佢一生，令佢一定要奮發努力。一個係佢大家姐，因為當年家貧，大家姐放棄入大學，去做老師養家，佢先至可以讀書，攞到今日嘅成就；另一個係因患老年癡呆症而過世嘅姨媽，令佢一心要研究醫治老年癡呆症嘅方法。
（圖）科大教授葉玉如（中）攞大獎，財爺唐英年（右）都戥佢高興。
傳真︰2623-9278
電郵︰