台灣嗰邊仍然亂局，不過冇影響內地省市來港招商嘅活動，河北省喺會展搞嘅投資貿易洽談會噚日照常開幕。河北省十分隆重其事，開幕儀式喺室內放小型煙花，省委書記白克明、省長季允石帶咗一大批項目落嚟，希望可以搵到人投資。本港大孖沙都好重視，新世界發展主席鄭裕彤、合和主席胡應湘都現身捧場，恒基地產主席李兆基冇到，就派咗大仔李家傑做代表，新鴻基地產雖然冇人到，不過代表團就約咗聽日見面，惟獨李嘉誠嘅長實就好似唔見有人到。
台灣總統大選後未蒲過頭嘅董特首都有出席，不過佢就閃得快，八方想問吓佢講台灣嘅嘢都趕唔切。
傳真︰2623-9278
電郵︰