【本報訊】歐洲國家盃熱潮席捲全球，總決賽門票炒高二十倍，每張四萬元；永安旅遊上周推出「總決賽睇波團」，二十個名額旋即售罄；有專辦睇波團的公司表示，賭波合法化後睇波風氣日盛，迄今舉辦四團歐國盃團已爆滿，料可加開至十二團，惟「波飛」難求，團費會上漲兩成。 記者：蔡朗清
經營海外睇波團逾二十年的「環宇足球」董事總經理江國榮昨日表示，六月正式開鑼的歐洲國家盃決賽周熱潮已席捲全球。自本港賭波合法化後，睇波風氣日盛，加上今年經濟復甦，球迷不惜遠赴葡萄牙觀賞賽事，「𠵱家我哋辦咗四團，每團三十人，全部爆滿。」
他指出，團費視乎觀看賽事多寡及「戲碼」而定，由兩場球賽至三場不等，價錢由三萬五千元至四萬元，最貴是連看三場賽事，包括總決賽及準決賽等，團費約四萬元。
他強調，總決賽的一級座位門票，由原價約二千六百港元，被炒至四萬元一張，可謂一票難求。「參加咗決賽團啲團友都好抵睇，𠵱家想買決賽嘅門票，都要四萬蚊。」
江國榮表示，○二年日韓世界盃結束後開始到歐洲撲歐國盃門票，迄今共搜羅約一千二百張門票，除繼續推出八強、四強及決賽的睇波團，亦會陸續推出分組賽事，包括港人熟悉的英法之戰、荷蘭對德國，以至西班牙大戰葡萄牙，團費二萬六千元起；團數料可增至十二團，較上屆增加一倍。
永安旅遊總經理梁港蘭昨表示，上周推出歐國盃總決賽七天團，團費三萬三千元，二十個名額不消一星期爆滿；另外，觀賞英法分組賽的七天團，只剩小量名額。
新華旅遊昨日亦推出歐洲國家盃「睇波團」，其執行董事李振庭表示，睇波團在本港開始普遍，故舉辦準決賽睇波團，礙於「波飛」難求，只舉辦一團，「個團爆晒就冇，啲飛唔係話撲就撲到。」