鄭中基前晚以一身極搶眼的粉紅爆炸裝扮，拍攝新片《我要做Model》，他笑言扮女人十分難，還因化妝而弄至眼睛發炎，至於在片中以醜女打扮示人的林嘉欣，前晚卻刻意保持神秘。
鄭中基（Ronald）、林嘉欣、陳子聰及李燦森（Sam）等人，前晚齊在深水埗一間酒樓拍攝新片《我要做Model》，劇情講述林嘉欣的舊愛與新人侯莎莎結婚，二人設「柯史聯婚」喜宴，Ronald、子聰及阿Sam陪嘉欣赴宴，並替她出氣。
Ronald前晚頂着一個爆炸裝髮型，兩頰塗黑化濃妝外，又穿上一件粉紅色外套及鮮紅鞋襪，造型爆笑。Ronald笑說：「呢個叫pinklook，喺套戲入面算保守㗎，個妝化咗半個鐘，男人之家畫眼線同搽眼影唔係好慣，我隻眼重發炎㖭，扮鬼扮馬難唔過扮女人。」
日前有指Ronald因身形太瘦而無緣拍港版《拳霸》，他前晚說：「都冇傾過，我唔打得㗎，墊大個籮做籮霸就得。」至於黃柏高透露有意找孔慶翔客串《我》片一事，Ronald竟說：「都唔知係咪嘅？我同佢唔同種類，冇得比較，只可以話大家都係唱歌出身，佢有好多嘢我做唔到嘅。」
而嘉欣在戲中本來要以大肚腩及醜女造型亮相，但前晚她仍以本來面目示人，嘉欣說：「要保持神秘唔曝光住，我重要着件纖維衫，拍到抽筋，成日流汗，要用香水辟臭，卒之重瘦咗。」嘉欣的緋聞男友王海峰身形也算豐滿，問她是否鍾情大肚腩？嘉欣說：「我唔鍾意，鍾意健康嘅。」
此外，陳子聰的太太何超儀將在新片中有大膽演出，子聰說：「佢係個認真嘅演員，我都睇過個劇本，有好劇本應該去做，我唔會監場。」子聰結婚至今胖了近四十磅，他表示是為了拍《太太》續集才增肥。
採訪：何永寧
攝影：陳慧安
